47 Pero an teritoryo kan Dan sadit na marhay para sa sainda.+ Kaya nakipaglaban sinda sa Lesem+ asin sinakop iyan. Ginaradan ninda an mga tawo diyan paagi sa espada. Dangan nagin pagsadiri ninda iyan asin nag-istar sinda diyan. Asin sinalidahan ninda nin Dan an pangaran kan Lesem, susog sa pangaran ni Dan na apuon ninda.+ 48 Iyan an mana kan tribo ni Dan na pigbanga-banga sa saindang mga pamilya. Iyan an mga siyudad asin an mga baryo kan mga iyan.

20 Bilang resulta, nagtiripon an gabos na Israelita hali sa Dan+ sagkod sa Beer-sheba asin hali sa daga nin Gilead.+ An bilog na katiripunan may pagkasararong nagtiripon* sa atubangan ni Jehova sa Mizpa.+

25 Namuhay nin tiwasay an Juda asin Israel, an lambang saro sa sirong kan sadiri niyang puon nin ubas asin sa sirong kan sadiri niyang puon nin higera, puon sa Dan sagkod sa Beer-sheba, sa gabos na aldaw ni Solomon.

28 Pagkatapos niyang maghagad nin suhestiyon, naggibo an hadi nin duwang bulawan na ugbon na baka+ asin nagsabi sa banwaan: “Masasakitan kamo kun matukad pa kamo pa-Jerusalem. Uni an saimong Diyos, O Israel, na nagluwas sa saimo sa daga nin Ehipto.”+ 29 Dangan ibinugtak niya an saro sa Bethel,+ asin an saro sa Dan.+