11 Pag-abot nin panahon, nagduruman ki David sa Hebron+ an gabos na Israelita asin nagsarabi: “Mga kadugo mo kami.*+ 2 Kaidto, kan si Saul pa an hadi, ika an nanginot sa Israel sa mga pakikipaglaban.*+ Asin sinabi saimo ni Jehova na saimong Diyos: ‘Ika an magpapastor sa banwaan kong Israel, asin ika an magigin lider kan banwaan kong Israel.’”+ 3 Kaya nagpasiring sa Hebron an gabos na kamagurangan kan Israel asin dinumanan an hadi. Asin nakipagtipan sa sainda si David sa Hebron sa atubangan ni Jehova. Dangan linahidan* ninda si David na magin hadi kan Israel,+ arog kan sinabi ni Jehova paagi ki Samuel.+