21 An edad ni Manases+ kan siya magin hadi 12 anyos, asin namahala siya sa Jerusalem sa laog nin 55 taon.+ An saiyang ina iyo si Hefziba.

3 Itinugdok niya giraray an mga halangkaw na lugar na linaglag kan saiyang ama na si Hezekias,+ asin naggibo siya nin mga altar para ki Baal saka nagpatindog nin sagradong poste,*+ arog kan ginibo ni Ahab na hadi kan Israel.+ Asin nagduko siya sa bilog na hukbo sa kalangitan* asin naglingkod sa mga ini.+

8 “Sa panahon na iyan,” an sabi ni Jehova, “an mga tulang kan mga hadi nin Juda, an mga tulang kan mga pamayo* kaiyan, an mga tulang kan mga saserdote, an mga tulang kan mga propeta, asin an mga tulang kan mga nag-iistar sa Jerusalem kukuanon sa saindang mga lubungan. 2 Ibabantad an mga iyan sa aldaw saka sa bulan asin sa gabos na bituon sa langit* na saindang namutan, pinaglingkudan, sinunod, hinanap, asin dinukuan.+ Dai titipunon an mga iyan, ni ilulubong man. Magigin garo udo an mga iyan sa ibabaw kan daga.”+