13 Huli kaini, sinabi ni Samuel ki Saul: “Kamangmangan an ginibo mo. Dai mo sinunod an ipinagbuot sa saimo ni Jehova na saimong Diyos.+ Kun nagsunod ka, papasarigon kutana ni Jehova an saimong kahadian sa Israel sagkod lamang.

22 Dangan sinabi ni Samuel: “Mas nauugma daw si Jehova sa mga dulot na pigtututong saka sa mga atang+ kisa sa pagsunod sa mga sinabi* ni Jehova? Magdangog ka! Mas marahay an pagsunod kisa sa atang,+ asin an pagtao nin atensiyon kisa sa taba+ nin mga lalaking karnero; 23 huli ta an pagrebelde+ kapareho man sana kan kasalan na panghuhula,+ asin an kapangahasan kapareho man sana nin paggamit nin kapangyarihan sa pagmamahika asin nin idolatriya.* Huling isinikwal mo an tataramon ni Jehova,+ isinikwal ka man niya sa pagigin hadi.”+