15 Dangan nagpaabot si Jehova nin damat+ sa Israel puon aga sagkod sa itinalaan na panahon. Kaya 70,000 katawo an nagkagaradan puon sa Dan sagkod sa Beer-sheba.+ 16 Kan iunat kan anghel an saiyang kamot pasiring sa Jerusalem tanganing garadanon an mga nakaistar diyan, ikinamundo* ni Jehova an kapahamakan+ asin sinabi niya sa anghel na nanggagadan sa mga tawo: “Tama na! Ibaba mo na an kamot mo.” An anghel ni Jehova yaon kaidto harani sa ginikan ni Arauna+ na Jebusita.+