7 An bilang ninda kaiba na an saindang mga tugang na mga sinanay sa pagkanta para ki Jehova, 288; asin gabos sinda eksperto.

11 Kan magluwas an mga saserdote hali sa banal na lugar, (huling gabos na saserdoteng yaon duman nagpabanal kan saindang sadiri,+ ano man an kinabibilangan nindang dibisyon),+ 12 an mga parakantang Levita+ na kabilang ki Asaf,+ ki Heman,+ ki Jedutun,+ asin sa saindang mga aki saka mga tugang, gabos nakasulot nin badong gibo sa de-kalidad na tela asin may kapot na mga simbal, mga instrumentong de-kuwerdas, saka mga arpa; nakatindog sinda sa bandang sirangan kan altar, asin kaiba ninda an 120 saserdote na nagpapatanog nin mga trumpeta.+