4 Sinabi ni Jehoas sa mga saserdote: “Kuanon nindo an gabos na kuwarta na dinadara sa harong ni Jehova bilang banal na mga dulot+—an buhis na dapat bayadan nin sarong tawo,+ an mga nareresibing kuwarta hali sa mga tawong nagpromesa may koneksiyon sa sadiri* ninda o sa iba, asin an gabos na kuwartang gikan sa pusong itinatao nin lambang saro para sa harong ni Jehova.+ 5 Personal na kukuanon iyan kan mga saserdote sa mga nagdodonar sa sainda* asin gagamiton ninda iyan tanganing hirahayon an harong, sain man may mahiling na raot.”*+

29 Nagin hadi si Hezekias+ sa edad na 25, asin namahala siya sa Jerusalem sa laog nin 29 taon. An saiyang ina iyo si Abias na aki ni Zacarias.+

3 Kan inot na bulan, kan inot na taon kan saiyang paghadi, binuksan niya an mga pinto kan harong ni Jehova asin hinirahay an mga iyan.+

9 Nagduman sinda ki Hilkias na halangkaw na saserdote asin itinao sa saiya an kuwarta na dinara sa harong nin Diyos, na nakolekta kan mga Levitang nagseserbing mga bantay sa pintuan, hali sa Manases, Efraim, asin sa gabos na iba pa sa Israel,+ saka hali sa Juda, Benjamin, asin sa mga nag-iistar sa Jerusalem. 10 Iinentrega ninda iyan sa mga inasignaran na mamahala sa mga patrabaho sa harong ni Jehova. Dangan ginamit iyan kan mga trabahador sa harong ni Jehova tanganing pakarhayon asin hirahayon an harong.