15 Asin sabihan mo an mga Israelita, ‘Kun sumpaon kan siisay man an saiyang Diyos, maninimbag siya sa saiyang kasalan. 16 Kaya an naglalanghad sa pangaran ni Jehova dapat nanggad na gadanon.+ Dapat nanggad siyang gapuon kan bilog na katiripunan. Dayuhan man siyang residente o sarong Israelita, dapat siyang gadanon pag linanghadan niya an Pangaran.

11 Pero, para mapaiba naman, unata an saimong kamot saka halion mo an gabos na yaon sa saiya, asin siguradong susumpaon ka niya nin hampangan.”* 12 Dangan sinabi ni Jehova ki Satanas: “Uya! Bahala ka kun anong gusto mong gibuhon sa* gabos na sadiri niya. Basta dai mo lang siya pagkulgan!” Kaya naghali si Satanas sa atubangan* ni Jehova.+

10 Nadangog ko an sarong makusog na boses sa langit na nagsabi:

“Ngunyan nag-abot na an kaligtasan+ hali sa Diyos asin naihayag na an saiyang kapangyarihan asin naestablisar na an saiyang Kahadian+ saka nagpuon na an awtoridad kan saiyang Cristo, huli ta iinapon na paibaba an paraakusar sa satong mga tugang, na aldaw-bangging nag-aakusar sa sainda sa atubangan kan satuyang Diyos!+