Watchtower ONLINE NA LIBRARYA

Isaias 58:7

Bagong Kinaban na Traduksiyon kan Banal na Kasuratan
- 7 Iyan iyo na hirasan mo kan saimong tinapay an nagugutom,+
  Na padaguson mo sa saimong harong an mga pobre asin mayong harong,
  Na baduan mo an sarong huba pag siya mahiling mo,+
  Asin na dai mo pagtalikudan an sadiri mong kadugo.

Lucas 3:11

Bagong Kinaban na Traduksiyon kan Banal na Kasuratan
- 11 Bilang simbag, sinabi niya sa sainda: “An tawong may duwang bado* itao an saro sa mayo, asin an saro na may kakanon magtao man sa mayo.”+

Santiago 2:15, 16

Bagong Kinaban na Traduksiyon kan Banal na Kasuratan
- 15 Kun an sarong tugang na lalaki o babayi dai nin maisulot* asin mayo nin igong kakanon para sa aldaw, 16 tapos an saro sa saindo magsabi sa saiya, “Magpuli ka nang may katuninungan; magkaigwa ka man lugod nin isusulot asin kakanon,” pero dai man nindo siya tinatawan kan mga pangangaipo kan saiyang hawak,* anong pakinabang kaiyan?+