-
Salmo 53:superskripsiyon-6Bagong Kinaban na Traduksiyon kan Banal na Kasuratan
-
-
Para sa direktor nin musika; nasa istilong Mahalath.* Sarong Maskil.* Salmo ni David.
53 An mangmang* nagsasabi sa puso niya:
“Mayong Jehova.”+
Maraot asin makababaldi an bakong matanos nindang mga gibo;
Mayo nin naggigibo nin marahay.+
2 Alagad dinudungaw nin Diyos hali sa langit an mga aki nin tawo+
Tanganing hilingon kun baga igwa nin siisay man na may pakasabot, kun baga igwa nin siisay man na naghahanap ki Jehova.+
3 Gabos sinda ruminayo;
Gabos sinda pararehong maraot.
Mayo nin naggigibo nin marahay,
Mayo lamang maski saro.+
4 Mayo daw sa mga paragibo nin maraot an nakakasabot?
Sinisiba ninda an sakong banwaan na garo baga nagkakakan sinda nin tinapay.
Dai sinda nag-aapod ki Jehova.+
5 Pero biyo sindang magkakatarakot,
Grabeng takot na dai pa ninda nuarin man namatian kaidto,*
Huling iwawarak nin Diyos an mga tulang kan mga nagsasalakay* sa saimo.
Ipapasupog mo sinda, ta isinikwal sinda ni Jehova.
6 O lugod na an kaligtasan kan Israel mag-abot hali sa Sion!+
Pag tipunon na giraray ni Jehova an saiyang banwaan na nabihag,
Lugod na an Jacob magin maugma, lugod na an Israel maggaya-gaya.
-
-
Roma 3:10-12Bagong Kinaban na Traduksiyon kan Banal na Kasuratan
-
-
10 siring kan nasusurat: “Mayo nin matanos na tawo, mayo lamang maski saro;+ 11 mayo nin siisay man na may pakasabot; mayo nin siisay man na naghahanap sa Diyos. 12 An gabos na tawo suminuway nin dalan, sinda gabos nagin daing halaga; mayo nin siisay man na nagpapahiling nin kabuutan, mayo lamang ni saro.”+
-