6 Uminagi si Jehova sa atubangan niya na nagsasabi: “Si Jehova, si Jehova, sarong Diyos na mahihirakon+ asin mapagmalasakit,*+ dai tulos naaanggot+ asin abunda sa maimbod na pagkamuot*+ saka katotoohan,*+ 7 nagpapahiling nin maimbod na pagkamuot sa rinibo,+ nagpapatawad nin salang gibo asin paglapas saka kasalan,+ pero dai niya nanggad papabayaan na dai mapadusahan an may sála,+ nagpapadusa sa mga aki saka sa mga makuapo huli sa pagkakasala kan saindang mga ama, sagkod sa ikatulong henerasyon asin sagkod sa ikaapat na henerasyon.”+

9 Aram mong marhay na si Jehova na saimong Diyos an tunay na Diyos, an maimbod na Diyos, na nag-uutob kan saiyang tipan asin nagpapahiling nin maimbod na pagkamuot sagkod sa sangribong henerasyon kan mga namumuot sa saiya asin nag-uutob kan saiyang mga tugon.+

 3 Ginirumdom niya an saiyang maimbod na pagkamuot asin kaimbudan sa nasyon* nin Israel.+

Nahiling kan gabos na sagkudan kan daga an pagliligtas* kan satuyang Diyos.+