6 Tapos ginibo na naman kan mga Israelita an maraot sa paghiling ni Jehova,+ asin nagpuon sindang magsamba sa mga Baal,+ sa mga imahen ni Astoret, sa mga diyos kan Aram,* sa mga diyos kan Sidon, sa mga diyos kan Moab,+ sa mga diyos kan mga Ammonita,+ asin sa mga diyos kan mga Filisteo.+ Binayaan ninda si Jehova, asin dai sinda naglingkod sa saiya. 7 Dangan naanggot na marhay si Jehova sa Israel, asin itinao* niya sinda sa mga Filisteo saka sa mga Ammonita.+ 8 Kaya kan taon na idto, pinasakitan ninda asin inapi nin grabe an mga Israelita. Sa laog nin 18 taon, inapi ninda an gabos na Israelita na nasa sirangan na kampi kan Jordan, sa dating daga kan mga Amorita sa Gilead.