10 Dapat kang magin bukas-palad sa pagtao sa saiya,+ asin dai ka* magtao sa saiya na napipiritan; huling dahil kaiyan kaya ka bebendisyunan ni Jehova na saimong Diyos sa gabos mong ginigibo asin paghihinguwa.+ 11 Huli ta dai mawawaran nin pobre sa saimong daga.+ Iyan an dahilan kaya pinagbubutan taka, ‘Dapat kang magin bukas-palad* sa saimong tugang na nagsasakit asin pobre sa saimong daga.’+

13 Imbes, pag naghahanda ka nin bangkete, imbitaran mo an mga pobre, an mga kimay, an mga pilay, an mga buta;+ 14 asin magigin maugma ka, huli ta dai sinda nin ano man na ikakabalos sa saimo. Sa pagkabuhay liwat+ kan mga matanos, makakamtan mo an saimong balos.”

10 Huli ta an Diyos bakong biko para lingawan niya* an saindong ginibo asin an pagkamuot na ipinahiling nindo para sa saiyang pangaran+ paagi sa paglilingkod asin padagos pang paglilingkod sa mga banal.