11 Huli ta kun paanong pinapatubo kan daga an mga supang kaiyan

Asin kun paanong pinapatambo kan hardin an mga isinabwag diyan,

Iyo man an gigibuhon kan Soberanong Kagurangnan na Jehova,

Papasupangon man niya sa atubangan kan gabos na nasyon an katanusan+ asin kaumawan.+

12 Maarabot sinda asin maugmang makururahaw sa kaitaasan kan Sion+

Asin magkikinang huli sa karahayan ni* Jehova,

Huli sa mga tipasi, bagong arak,+ asin lana,

Asin huli sa mga ugbon kan mga karnero asin mga baka.+

Magigin siring sinda* sa sarong hardin na pirming nababaribian,+

Asin dai na sinda giraray mangruruluya nuarin man.”+