21 Asin sasabihon mo sa saimong puso,
‘Siisay an ama kan mga aking ini na itinao sa sako,
Huling saro akong babaying nagadanan nin mga aki asin baog,
Puwersahan na dinara sa ibang nasyon asin iprineso?
Siisay an nagpadakula sa mga ini?+
Hilinga! Nawalat akong nagsosolo,+
Kaya sain hali an mga ini?’”+
22 Ini an sabi kan Soberanong Kagurangnan na Jehova:
“Uya! Iiitaas ko sa mga nasyon an kamot ko,
Asin ilalangkaw ko sa mga banwaan an senyal ko.+
Kakargahon ninda an saimong mga aking lalaki
Asin papasanon ninda sa abaga an saimong mga aking babayi.+