• Lamentasyon 2:15
    Bagong Kinaban na Traduksiyon kan Banal na Kasuratan

    • 15 An gabos na nag-aaragi sa tinampo pigpapalakpakan ka nin may panunuya.+

      Huli sa pagkangalas napapataghoy sinda+ asin napapapiling-piling sa aking babayi nin Jerusalem, asin sinasabi ninda:

      “Iyo ini an siyudad na pigsasabi ninda, ‘Perpekto iyan sa kagayunan, an kaugmahan kan bilog na daga’?”+

  • Habakuk 1:5-7
    Bagong Kinaban na Traduksiyon kan Banal na Kasuratan

    •  5 “Maghiling kamo sa mga nasyon asin magtaong atensiyon!

      Iburarat nindo an saindong mga mata asin mapangalas;

      Dahil may mangyayari sa panahon nindo

      Na dai nindo papaniwalaan dawa pa sabihon iyan sa saindo.+

       6 Huli ta papahiruon ko an mga Caldeo,+

      An daing hirak asin pusok-pusukan na nasyon.

      Linilibot ninda an mga kahiwasan kan daga

      Para agawon an mga istaran na bako ninda.+

       7 Makatatakot sinda asin makangingirhat.

      Nag-eestablisar sinda nin sadiri nindang hustisya asin awtoridad.*+