-
2 Hadi 19:22-24Bagong Kinaban na Traduksiyon kan Banal na Kasuratan
-
-
22 Siisay an tinuya-tuya mo asin linanghadan?+
Siisay an piglangkawan mo nin boses+
Asin hiniling mo nin may kapalangkawan?
An Banal na Diyos* kan Israel!+
23 Paagi sa saimong mga mensahero+ tinuya-tuya mo si Jehova+ asin sinabi mo,
‘Paagi sa kadakul-dakul kong karwaheng panggiyera
Tutukadon ko an kalangkawan kan mga bukid,
An pinakahararayong parte kan Lebanon.
Papaludon ko an halangkawon niyang mga sedro, an pinakamarahay niyang mga enebro.
Lalaugon ko an pinakaharayo niyang tagong mga lugar, an pinakamahibog niyang mga kadlagan.
24 Makalot ako nin mga bubon asin mainom nin tubig kan ibang nasyon;
Papamarahon ko an gabos na sapa* kan Ehipto paagi kan mga rapan-dapan ko.’
-