Huli ta nakipagtipan siya nin daing sagkod na tipan sa sakuya,+

Na inareglar nin marhay asin sigurado.

Bako daw na huling nangangahulugan ini kan sakuyang lubos na kaligtasan asin dakulang kaugmahan,

Kun kaya pinaparambong niya iyan?+

34 Dai ko babalgahon an sakuyang tipan+

O babaguhon man an mga itinaram kan sakuyang mga ngabil.+

35 Suminumpa na ako sa sakuyang kabanalan, sarong beses asin sagkod lamang;

Dai ako mataram ki David nin mga kaputikan.+

11 Suminumpa ki David si Jehova;

Siguradong dai niya babawion an sinabi niya:

“An saro sa mga gikan mo,*

Ibubugtak ko sa saimong trono.+

Magdangog kamo, asin magdadanay kamong buhay,*

Asin makikipagtipan nanggad ako sa saindo nin daing sagkod na tipan+

Kauyon kan mga kapahayagan ko nin maimbod na pagkamuot ki David, asin mapagtitiwalaan* an mga iyan.+