15 “Pero kun dai ka madangog sa mga sinasabi* ni Jehova na saimong Diyos asin dai mo nanggad uutubon an gabos niyang tugon saka reglamento na ipinagbubuot ko sa saimo ngunyan, an gabos na sumpang ini maabot sa saimo asin dai mo madudulagan:+

26 Asin naglingkod sinda sa ibang mga diyos saka nagduko sa sainda, sa mga diyos na dai ninda midbid asin na ipinagbawal niya sa sainda na sambahon.*+ 27 Dangan naanggot na marhay si Jehova sa dagang ini asin ipinaabot niya digdi an gabos na sumpa na nakasurat sa librong ini.+

15 Pero kun paanong uminabot sa saindo an gabos na marahay na panuga na ipinanuga sa saindo ni Jehova na saindong Diyos,+ kayang-kaya man na ipaabot sa saindo ni Jehova an gabos na kapahamakan na sinabi niya* asin puhuon kamo sa marahay na dagang ini na itinao sa saindo ni Jehova na saindong Diyos.+ 16 Kun babalgahon nindo an tipan ni Jehova na saindong Diyos na ipinagbuot niyang utubon nindo asin kun maglilingkod kamo sa ibang mga diyos asin maduko sa sainda, maaanggot na marhay sa saindo si Jehova+ asin madali sana kamong mapapara sa marahay na daga na itinao niya sa saindo.”+

27 Nagsabi si Jehova: “Hahalion ko man sa atubangan ko an Juda+ arog kan ginibo ko sa Israel;+ asin isisikwal ko an siyudad na ini nin Jerusalem na sakong pinili asin an harong na manungod diyan sinabi ko, ‘Magdadanay diyan an sakong pangaran.’”+