8 Kan huri, sinabi ni Hilkias na halangkaw na saserdote ki Safan na sekretaryo:+ “Nanumpungan ko sa harong ni Jehova an libro kan Katugunan.”+ Kaya itinao ni Hilkias ki Safan an libro, asin binasa niya iyan.+

20 Dangan ini an ipinagbuot kan hadi ki Hilkias, ki Ahikam+ na aki ni Safan, ki Abdon na aki ni Mikas, ki Safan na sekretaryo, saka ki Asaias na lingkod kan hadi: 21 “Lakaw kamo, maghapot kamo ki Jehova para sako asin para sa mga natada sa Israel asin sa Juda manungod sa mga sinasabi sa libro na nanumpungan; huling grabe nanggad an kaanggutan na iuula ni Jehova sa sato ta dai nagsunod sa tataramon ni Jehova an satong mga apuon. Dai ninda ginibo an gabos na nakasurat sa librong ini.”+

24 Pero si Ahikam+ na aki ni Safan+ tinabangan si Jeremias, kaya dai siya naitao sa mga tawo tanganing gadanon.+

13 Kaya nagsugo si Nebuzaradan na pamayo kan mga guwardiya, si Nebusazban na Rabsaris,* si Nergal-sarezer na Rabmag,* asin an gabos na panginot na lalaking lingkod kan hadi kan Babilonya 14 asin ipinakua ninda si Jeremias sa Patyo kan Guwardiya+ asin itinao ki Gedalias+ na aki ni Ahikam+ na aki ni Safan+ tanganing darahon sa harong kaini. Kaya nag-istar siya kaiba kan banwaan.

11 Asin 70 sa kamagurangan kan banwaan nin Israel an nakatindog sa atubangan kan mga iyan, asin kaiba ninda diyan na nakatindog si Jaazanias na aki ni Safan.+ An kada saro sa sainda may kapot na insensaryo, asin nag-iitaas an mahamot na aso kan insenso.+