-
Jeremias 6:13, 14Bagong Kinaban na Traduksiyon kan Banal na Kasuratan
-
-
13 “Huli ta puon sa pinakahamak sagkod sa pinakaprominente, an kada saro naggaganar sa madayang paagi;+
Puon sa propeta sagkod sa saserdote, an kada saro nagsasagibo nin pandadaya.+
14 Asin pinagmamaigutan nindang bulungon nin paramas* an lugad* kan sakong banwaan paagi sa pagsabing,
‘May katuninungan! May katuninungan!’
Mantang mayo man nin katuninungan.+
-
-
Jeremias 14:13Bagong Kinaban na Traduksiyon kan Banal na Kasuratan
-
-
13 Sa siring, nagsabi ako: “O Soberanong Kagurangnan na Jehova! Sinasabi sa sainda kan mga propeta, ‘Dai kamo makakahiling nin espada, asin dai maabot sa saindo an tiggutom; imbes, tatawan ko kamo nin tunay na katuninungan sa lugar na ini.’”+
-
-
Jeremias 23:16, 17Bagong Kinaban na Traduksiyon kan Banal na Kasuratan
-
-
16 Ini an sabi ni Jehova na pamayo nin mga hukbo:
“Dai kamo magdangog sa mga sinasabi kan mga propeta na nagpopropesiya sa saindo.+
Dinadaya ninda kamo.*
17 Pauruutro nindang sinasabi duman sa mga dai ako iginagalang,
‘Si Jehova nagsabi: “Magkakaigwa kamo nin katuninungan.”’+
Asin sinasabi ninda sa lambang saro na nagsusunod sa sutil nindang puso,
‘Mayong kapahamakan na maabot sa saindo.’+
-