• Isaias 15:4-6
    Bagong Kinaban na Traduksiyon kan Banal na Kasuratan

    •  4 An Hesbon asin an Eleale+ nagkukurahaw;

      An boses ninda nadadangog sagkod sa Jahaz.+

      Kaya padagos na nagkukurahaw an mga armadong lalaki kan Moab.

      Nagtatakig siya.*

       5 Nag-aagrangay an sakong puso huli sa Moab.

      An mga nagdurulag diyan nakaabot sagkod sa Zoar+ asin Eglat-selisiya.+

      Mantang nagtutukad sa bakilid kan Luhit naghihiribi sinda;

      Mantang pasiring sa Horonaim nag-aagrangay sinda huli sa grabeng kapahamakan.+

       6 Huli ta an katubigan kan Nimrim namara;

      An berdeng duot naluyos,

      An duot nawara asin mayong ano man na berde na natada.