29 “Pag pinuho na ni Jehova na saimong Diyos an mga nasyon na sasakupon mo,+ asin nakaistar ka na sa saindang daga, 30 mag-ingat ka na dai masiod pagkatapos na mapuho sinda sa atubangan mo. Dai ka maghapot manungod sa mga diyos ninda, na sinasabi, ‘Paano daw pinaglingkudan kan mga nasyon na ini an saindang mga diyos? Iyo man iyan an gigibuhon ko.’+ 31 Dai mo paggibuhon iyan ki Jehova na saimong Diyos, huling ginigibo ninda para sa mga diyos ninda an gabos na makababalding bagay na ikinakaungis ni Jehova, pati an pagsulo sa saindang mga aking lalaki asin sa saindang mga aking babayi para iatang sa saindang mga diyos.+

17 Sinulo man ninda bilang atang* an saindang mga aking lalaki saka mga aking babayi,+ nanghuhula sinda+ saka naghahanap nin mga senyales, asin padagos nindang idinudusay an saindang sadiri sa paggibo kan* kun ano an maraot sa paghiling ni Jehova tanganing paangguton siya.

28 An edad ni Ahaz+ kan siya magin hadi 20 anyos, asin namahala siya sa Jerusalem sa laog nin 16 na taon. Dai niya ginibo kun ano an tama sa paghiling ni Jehova, bakong arog kan ginibo ni David na saiyang apuon.+

3 Apuwera kaini, nagdulot siya nin atang na aso sa Kababan kan Aki ni Hinom* asin sinulo niya an saiyang mga aki bilang atang;+ inarog niya an makababalding mga gibo-gibo kan mga nasyon+ na pinalayas ni Jehova sa atubangan kan mga Israelita.

33 An edad ni Manases+ kan siya magin hadi 12 anyos, asin namahala siya sa Jerusalem sa laog nin 55 taon.+

6 Asin sinulo niya an sadiri niyang mga aki bilang atang*+ duman sa Kababan kan Aki ni Hinom;+ nagsagibo siya nin mahika,+ panghuhula, saka pangkukulam, asin nagtalaga nin mga espiritista saka mga parahula.+ Dakulon an ginibo niyang maraot sa paghiling ni Jehova tanganing paangguton siya.

31 Asin pigraramugan pa man daw giraray nindo an saindong sadiri sagkod sa aldaw na ini paagi sa pagdulot nin mga atang sa gabos nindong makababalding idolo, paagi sa pagsulo* sa mga aki nindo?+ Dapat daw akong magsimbag sa hapot nindo, O banwaan nin Israel, sa ibong kan ginigibo nindo?”’+

“‘Isinusumpa ko sa sadiri ko,’* an sabi kan Soberanong Kagurangnan na Jehova, ‘dai ako masimbag sa hapot nindo.+