12 “Alagad maski ngunyan,” an sabi ni Jehova, “bumalik kamo sako nin bilog nindong puso,+

Na may kaibang pag-ayuno+ asin pagtangis saka makusog na paghibi.

13 Gision nindo an saindong puso,+ bako an saindong bado,+

Asin bumalik kamo ki Jehova na saindong Diyos,

Huli ta siya mapagmalasakit* asin mahihirakon, dai tulos naaanggot*+ asin abunda sa maimbod na pagkamuot,+

Asin pag-iisipan niya giraray* an pagpaabot nin kapahamakan.

14 Siisay an nakakaaram kun baga mabago an isip niya asin pag-iisipan niya giraray* iyan+

Asin tatawan kamo nin bendisyon,

Para makapagdulot kamo nin dulot na tipasi asin dulot na inumon ki Jehova na saindong Diyos?