6 An lobo makikiiba kun minsan sa kordero,+

Asin an leopardo maluko kaiba kan ugbon na kanding,

Asin an ugbon na baka saka an leon* pati an pinatabang hayop mag-iiribanan;*+

Asin sarong sadit na aki an manginginot sa sainda.

 7 An baka asin an oso magkaibanan na masabsab,

Asin an saindang mga ugbon iribang maluko.

 8 An aking nagsususo magkakawat sa ibabaw kan istaran nin kobra,

Asin an aking bagong butason sa pagsuso ibubugtak an kamot niya sa may labot kan lungib nin makamandag na halas.

 9 Dai sinda mandadanyar+

O mangraraot sa bilog kong banal na bukid,+

Huling an daga mapapano nanggad kan kaaraman manungod ki Jehova

Kun paanong tinatakluban nin tubig an dagat.+

 9 Dai diyan magkakaigwa nin leon,

Asin dai madiyan an mabangis asin mga layas na hayop.

Dai sinda manunumpungan diyan;+

An mga tinubos sana an maralakaw diyan.+

25 An lobo asin an kordero masabsab na magkaibanan,

An leon makakan nin dagami siring sa torong baka,+

Asin an magigin kakanon kan halas alpog.

18 Sa aldaw na iyan, makikipagtipan ako sa mga layas na hayop alang-alang sa sainda,+

Pati sa mga gamgam* kan kalangitan asin sa mga linalang na nagkakaramang sa daga;+

Hahalion ko sa kadagaan an pana saka an espada asin an giyera,+

Asin papangyarihon kong maghigda* sinda na may katiwasayan.+