8 “Mabalik ka asin madangog sa mga sinasabi* ni Jehova asin uutubon mo an gabos niyang tugon na ipinagbubuot ko sa saimo ngunyan. 9 Papauswagon kang marhay ni Jehova na saimong Diyos sa gabos mong ginigibo.+ Papadakulon niya an saimong mga aki saka an mga ataman mong hayop asin an mga bunga kan saimong daga, huli ta mauugma na giraray si Jehova na pauswagon ka, kun paanong naugma siya sa saimong mga apuon.+ 10 Huli ta sa panahon na iyan madangog ka sa mga sinasabi* ni Jehova na saimong Diyos asin uutubon mo an saiyang mga tugon asin mga reglamento na nakasurat sa librong ini kan Katugunan, asin mabalik ka ki Jehova na saimong Diyos nin bilog mong puso asin nin bilog mong kalag.*+

39 Asin tatawan ko sinda nin sarong puso+ saka sarong dalan tanganing pirmi sindang magkaigwa nin pagkatakot sa sakuya, para sa ikakarahay ninda asin sa ikakarahay kan mga aki ninda.+

27 Ilalaag ko sa laog nindo an sakuyang espiritu, asin papalakawon ko kamo sa sakuyang mga regulasyon,+ asin uutubon nindo saka gigibuhon an sakong mga ipinapautob na desisyon.*