16 “Tulong beses kada taon, an gabos na lalaki sa saindo dapat na umatubang ki Jehova na saimong Diyos sa lugar na pipilion niya: sa Kapiyestahan nin Tinapay na Daing Lebadura,+ sa Kapiyestahan nin mga Semana,+ asin sa Kapiyestahan nin mga Payag-payag,*+ asin dai nin siisay man sa sainda an mag-atubang ki Jehova na mayo lamang nin dara.

12 Dangan nagdulot si Solomon ki Jehova nin mga atang na pigtututong+ sa ibabaw kan altar ni Jehova+ na ginibo niya sa atubangan kan portiko.+ 13 Ginibo niya an kinakaipuhan na gibuhon sa kada aldaw asin nagdulot siya nin mga atang sigun sa tugon ni Moises para sa mga Sabbath,+ sa mga bagong bulan,+ asin sa inestablisar na mga kapiyestahan tulong beses kada taon+—an Kapiyestahan nin Tinapay na Daing Lebadura,+ an Kapiyestahan nin mga Semana,+ asin an Kapiyestahan nin mga Payag-payag.*+

3 Sarong porsiyon kan mga pagsadiri kan hadi an itinao bilang mga iaatang na mga dulot na pigtututong,+ kaiba an pang-aga asin pambangging mga dulot,+ siring man an mga dulot na pigtututong para sa mga Sabbath,+ mga bagong bulan,+ asin mga kapiyestahan,+ sigun sa kun ano an nakasurat sa Katugunan ni Jehova.