31 An edad ni Jehoahaz+ kan siya magin hadi 23 anyos, asin tulong bulan siyang namahala sa Jerusalem. An saiyang ina iyo si Hamutal+ na aki ni Jeremias na taga Libna. 32 Ginibo niya kun ano an maraot sa paghiling ni Jehova, arog kan gabos na ginibo kan saiyang mga apuon.+ 33 Iprineso siya ni Faraon Neco+ sa Ribla+ sa daga nin Hamat, tanganing dai siya makapamahala sa Jerusalem. Dangan pinamulta ni Neco an nasyon nin 100 na talentong* pirak asin sarong talentong bulawan.+ 34 Dugang pa, ginibong hadi ni Faraon Neco si Eliakim na aki ni Josias bilang kasalida ni Josias na saiyang ama asin rinibayan nin Jehoiakim an saiyang pangaran. Pero si Jehoahaz dinara niya sa Ehipto,+ kun sain ini nagadan pag-abot nin panahon.+

4 Dugang pa, ginibo kan hadi kan Ehipto na magin hadi kan Juda asin Jerusalem si Eliakim na tugang ni Jehoahaz asin rinibayan nin Jehoiakim an saiyang pangaran. Pero an tugang niyang si Jehoahaz, kinua ni Neco+ asin dinara ini sa Ehipto.+

11 “Huli ta ini an sabi ni Jehova manungod sa hadi kan Juda na si Salum*+ na aki ni Josias, na namamahala bilang kasalida kan saiyang amang si Josias+ asin mayo na sa lugar na ini: ‘Dai na siya mabalik diyan. 12 Huli ta magagadan siya sa lugar kun sain ninda siya puwersahan na dinara, asin dai na niya mahihiling an dagang ini.’+