5 ‘Ako an naggibo kan daga, kan katawuhan, asin kan mga hayop na nasa ibabaw kan daga paagi kan sakong dakulang kapangyarihan asin paagi kan sakong nakaunat na takyag; asin itinatao ko iyan sa kiisay man na gusto kong tawan.*+

26 Ini an sinabi kan Soberanong Kagurangnan na Jehova: ‘Tanggala an turbante, asin halia an korona.+ Dai na ini magigin arog kan dati.+ Ilangkaw mo an hababa,+ asin ibaba mo an halangkaw.+ 27 Kagabaan, kagabaan, gigibuhon ko iyan na kagabaan. Asin dai iyan magigin sadiri nin siisay man sagkod na an saro na may legal na deretso mag-abot,+ asin itatao ko iyan sa saiya.’+

13 “Mantang yaon ako sa mga bisyon kan bangging idto, padagos akong nagmasid asin uya! nagdadangadang an saro na siring sa aki nin tawo,+ kaiba kan mga panganuron kan kalangitan; asin tinugutan siyang makadulok sa Suanoy kan mga Aldaw,+ asin dinara ninda siya sa atubangan kan Sarong iyan. 14 Asin may itinao sa saiya na pamamahala,+ onra,+ asin sarong kahadian, tanganing an mga banwaan, mga nasyon, asin mga grupong manlain-lain an lengguwahe gabos maglingkod sa saiya.+ An saiyang pamamahala sarong daing sagkod na pamamahala na dai malihis, asin an saiyang kahadian dai malalaglag.+

32 An sarong ini ibibilang na importanteng marhay+ saka aapudon na Aki kan Kahuruhalangkawi,+ asin itatao sa saiya kan Diyos na Jehova* an trono ni David na saiyang ama,+ 33 asin mamamahala siya sagkod lamang bilang Hadi sa mga gikan* ni Jacob, asin dai magkakaigwa nin katapusan an saiyang Kahadian.”+