• Deuteronomio 32:12-14
    Bagong Kinaban na Traduksiyon kan Banal na Kasuratan

    • 12 Si Jehova sana an naggiya sa saiya;*+

      Mayong diyos nin ibang nasyon an nasa kaibanan niya.+

      13 Pinasakay niya siya sa haralangkaw na lugar kan daga,+

      Kaya kinakan niya an mga bunga kan langtad.+

      Binasog niya siya nin tangguli hali sa dakulang gapo

      Asin nin lana hali sa matagason na gapo,

      14 Nin mantikilya* kan mga baka saka gatas kan mga karnero asin mga kanding,

      Pati nin pinakapiling* karnero,

      Asin mga lalaking karnero nin Basan, saka mga lalaking kanding,

      Pati nin pinakamarahay na klase* nin trigo;+

      Asin nag-inom ka nin arak hali sa tagok* nin mga ubas.

  • Nehemias 9:25
    Bagong Kinaban na Traduksiyon kan Banal na Kasuratan

    • 25 Asin nasakop ninda an mga siyudad na may matibay na depensa+ saka an sarong matabang daga,+ asin nagin sadiri ninda an mga harong na pano nin gabos na klase nin marahay na mga bagay, an mga kinalot nang istakan nin tubig, mga ubasan, mga tanuman nin olibo,+ asin dakul na namumungang kahoy. Kaya kuminakan sinda asin nakontento asin tuminaba, asin ikinaugma nindang marhay an saimong labi-labing karahayan.