49 Asin uya! ipapadara ko sa saindo an ipinanuga kan sakuyang Ama. Pero magdanay kamo sa siyudad sagkod na mag-ako kamo nin kapangyarihan hali sa itaas.”+

26 Pag nag-abot an paratabang na ipapadara ko sa saindo hali sa Ama, na iyo an espiritu kan katotoohan+ na gikan sa Ama, magpapatotoo iyan manungod sa sako;+

13 Pero pag nag-abot an sarong iyan,* an espiritu kan katotoohan,+ gigiyahan niya kamo sa gabos na katotoohan, huli ta dai siya mataram sa sadiri niyang kabutan, kundi kun ano an nadadangog niya iyo an itataram niya, asin ipapahayag niya sa saindo an mga bagay na maabot.+

27 Asin kun manungod sa saindo, an paglahid na inako nindo hali sa saiya+ nagdadanay sa saindo, asin dai nindo kaipuhan an siisay man para tukduan kamo; kundi an ginibo niyang paglahid iyo an nagtutukdo sa saindo kan gabos na bagay,+ asin totoo iyan saka bakong kaputikan. Arog kan itinukdo kaiyan sa saindo, magdanay kamo na kasaro niya.+