23 Pero an tulong lalaking ini, si Sadrac, Mesac, asin Abednego, nakagapos na nahulog sa nagkakalayong hurno.

24 Dangan natakot si Hading Nabucodonosor asin dali-dali siyang nagtindog saka nagsabi sa saiyang mga halangkaw na opisyal: “Bakong tulong lalaki an iginapos ta tapos iinapon sa kalayo?” Nagsimbag sinda sa hadi: “Iyo tabi, O hadi.” 25 Sinabi niya: “Pero hilinga nindo! Apat na lalaki an nahihiling kong buwelong nakakapaglakaw-lakaw sa tahaw kan kalayo, dai sinda naaano, tapos an itsura kan ikaapat garo aki kan mga diyos.”