25 Iprinesentar siya nin Diyos bilang sarong dulot na magseserbing pampagian nin buot*+ paagi sa pagtubod sa dugo ni Cristo.+ An katuyuhan kaini iyo na maipahiling nin Diyos an saiyang pagigin matanos, huling pinapatawad niya an mga kasalan na nangyari kan nakaaging panahon mantang siya nagpupugol.*

15 An mga tataramon na ini mapagkakatiwalaan asin maninigong akuon nin lubos: Si Cristo Jesus nag-abot sa kinaban tanganing iligtas an mga makasalan.+ Sa mga ini, ako an panginot.+

17 Huli kaini, kinaipuhan niyang magin kapareho kan saiyang “mga tugang” sa gabos na bagay,+ na sa siring magin siyang sarong mahihirakon asin maimbod na halangkaw na saserdote sa mga bagay may koneksiyon sa Diyos, tanganing makapagdulot siya nin pampagian nin buot na atang*+ para sa mga kasalan kan mga tawo.+

24 Dinara niya mismo sa sadiri niyang hawak* an satuyang mga kasalan+ kan ipako siya sa harigi,*+ tanganing magadan kita kun mapadapit sa mga kasalan asin mabuhay kun mapadapit sa katanusan. Asin “paagi sa mga lugad niya napaumayan kamo.”+

10 An pagkamuot na ini arog kaini: Bako ining dahil namutan ta an Diyos, kundi dahil namutan niya kita asin itinao niya an saiyang Aki bilang pampagian nin buot na atang+ para* sa satong mga kasalan.+