Job
11 Nagsimbag si Zofar+ na Naamatita:
2 “Mayo daw nin masimbag sa gabos na sinabi mong ini,
O magigin tama daw an saro dahil sa kadakulan kan saiyang itinataram?*
3 Mapapasilensiyo daw an mga tawo kan daing kamanungdanan na sinasabi mo?
Mayo daw nin masaway sa saimo dahil sa mapagtuya-tuya mong mga tataramon?+
5 Pero kun mataram lang an Diyos,
Asin kun ibubuka niya lang an saiyang mga ngabil sa saimo!+
6 Ihahayag niya saimo an mga sekreto kun paano magin madunong,*
Huli ta bakong simpleng bagay an* praktikal na kadunungan.
Dangan mapapag-isip-isip mo na liningawan na sana nin Diyos an iba mong mga sala.
7 Kaya mo daw aramon an harararom na bagay nin Diyos
O aramon an gabos manungod sa* Makakamhan sa Gabos?
8 Mas halangkaw iyan kisa sa langit. Anong kaya mong gibuhon?
Mas hararom iyan kisa sa Lubungan.* Anong kaya mong aramon?
9 Mas halaba iyan kisa sa daga
Saka mas mahiwas kisa sa dagat.
10 Kun sa pag-agi niya igwa siyang dakupon asin darahon sa korte,
Siisay an makakapugol sa saiya?
11 Huli ta aram niya pag an mga tawo nagigin mapandaya.
Pag nahihiling niya an maraot, bako daw na tatawan niya iyan nin atensiyon?
12 Alagad an tawong daing isip makakasabot sana
Pag an layas na asno mangaki na nin tawo.*
13 Kun iaandam mo lang an saimong puso
Asin iuunat an saimong mga kamot sa saiya.
14 Kun an kamot mo naggigibo nin sala, ibugtak mo iyan sa harayo,
Asin dai mo pagtugutan na mag-istar an karatan sa saimong mga tolda.
15 Huli ta pag ginibo mo iyan, maitataas mo an saimong payo* na daing ikinakasupog;
Makakatindog ka nin pusog na daing ikinakatakot.
16 Malilingawan mo an saimong mga kasakitan;
Arog nin tubig na buminulos, dai mo na iyan magigirumduman.
17 An saimong buhay magigin mas maliwanag kisa sa kaudtuhan;
Maski an madiklom na mga panahon kaiyan magigin garo aga.
18 Makakapagtiwala ka ta igwa nin paglaom,
Asin mangangalag-kalag ka sa palibot asin mahigda nin tiwasay.
19 Mahigda ka na mayo nin siisay man na mantatakot sa saimo,
Asin dakul an maghihinguwang kamtan an saimong pabor.