Job
2 Pinapalibutan ako kan mga paratuya-tuya,+
Asin pirming namamasdan kan sakong mata an* pagrebelde ninda.
3 Akuon mo tabi an sakuyang panggarantiya, asin sarayon mo ini.
Siisay pa man an makikiabrasa sako asin mangangako na tatabangan ako?+
4 Huli ta dai mo tinawan nin pakasabot an saindang puso;+
Iyan an dahilan kaya dai mo sinda ilinalangkaw.
5 May itinatangro siya sa saiyang mga amigo,
Mantang an mga mata kan mga aki niya nagluluya dahil sa gutom.
6 Pinangyari niyang pagtuya-tuyaon* ako kan mga banwaan,+
Kaya nakaiba ako sa mga linulutaban ninda sa lalawgon.+
7 Nagluluya an sakong mga mata dahil sa grabeng kasakitan,+
Asin garo na sana anino an gabos kong kalamias.
8 Napapaburarat digdi an matanos na mga tawo,
Asin napupurisaw an daing sála dahil sa tawong mayong Diyos.*
10 Alagad, madya kamo gabos asin ipadagos nindo an saindong argumento,
Huli ta mayo akong nahihiling na madunong sa saindo.+
12 Pigpaparagibo nindang aldaw an banggi,
Na sinasabi, ‘Madali nang magliwanag ta madiklom na.’
13 Dikit na halat-halat na sana, magigin harong ko na an Lubungan;*+
Ibibiklad ko na an sakong higdaan sa kadikluman.+
14 Sasabihon ko sa lubungan,*+ ‘Ika an ama ko!’
Sa ulod, ‘Ina ko saka tugang ko!’
15 Kaya, hain an sakuyang paglaom?+
Siisay an nakakahiling nin paglaom para sako?