Salmo
Kanta Para sa mga Pagtukad.
123 Itinitingkalag ko sa saimo an sakong mga mata,+
Ika na nakatukaw sa trono sa kalangitan.
2 Kun paanong an mga mata kan mga lingkod nakahiling sa kamot kan kagurangnan ninda,
Asin kun paanong an mga mata nin sarong suruguon na babayi nakahiling sa kamot kan babaying kagurangnan niya,
An samuyang mga mata nakahiling man ki Jehova na samuyang Diyos+
Sagkod na kahirakan niya kami.+
3 Kahirakan mo kami, O Jehova, kahirakan mo kami,
Huling sobra nang marhay an ginibong pagduhagi sa samo.+
4 Sobra nang marhay an ginibong panunuya sa samo* kan mga sobra an tiwala sa sadiri
Asin an pagduhagi kan mga arogante.