Kanta Para sa mga Pagtukad.
121 Itinitingkalag ko sa kabukidan an sakong mga mata.+
Sain daw maghahali an tabang sa sakuya?
2 An tabang sa sakuya hali ki Jehova,+
An Kaggibo kan langit asin daga.
3 Dai niya nuarin man tutugutan na madarinas an bitis mo.+
Dai nuarin man magtutungka an Saro na nagbabantay sa saimo.
4 Uya! Dai siya nuarin man magtutungka ni magtuturog,
An Saro na nagbabantay sa Israel.+
5 Si Jehova nagbabantay sa saimo.
Si Jehova an limpoy+ sa may tuo mo.+
6 Pag aldaw dai ka madadanyaran kan saldang,+
Asin pag banggi dai ka madadanyaran kan bulan.+
7 Babantayan ka ni Jehova laban sa gabos na kapahamakan.+
Babantayan niya an saimong buhay.+
8 Babantayan ka ni Jehova sa gabos mong ginigibo
Puon ngunyan asin sagkod lamang.