Job
7 “Bakong an buhay kan tawong mortal sa daga kapareho kan puwersahan na pagtrabaho,
Asin bakong an saiyang mga aldaw kapareho nin sarong tangdanan na trabahador?+
2 Siring sa sarong uripon, hinahanap-hanap niya an limpoy,
Asin siring sa sarong tangdanan na trabahador, hinahalat niya an saiyang tangdan.+
3 Kaya dakul na bulan nang daing saysay an sakuyang buhay
Asin dakul na banggi nang grabe an sakuyang kasakitan.+
4 Pag minahigda ako naghahapot ako, ‘Nuarin ako mabangon?’+
Alagad mantang nagrararom an banggi, daing pundo an sakong pag-alimpasay* sagkod sa mag-aagahon.
5 An sakuyang laman pano nin mga ulod asin mga nagtagas na daga;+
An sakuyang kublit pano nin mga kagan asin nana.+
6 An sakuyang mga aldaw marikas na minalihis, mas marikas kisa sa lansadera nin parahabol,+
Asin natatapos an mga iyan na daing paglaom.+
7 Girumduma na an sakong buhay garo sana hinangos,*+
Na an sakong mata dai na nuarin man makakahiling nin kaugmahan.*
8 Dai na ako mahihiling kan mata na nakakahiling sa sako ngunyan,
Hahanapon ako kan saimong mga mata, pero ako mawawara na.+
9 Kapareho nin panganuron na luway-luway na nawawara,
An saro na minababa pasiring sa Lubungan* dai na minabalik pa.+
11 Kaya dai ko pupugulan an sakong nguso.
Mataram ako dahil sa grabeng pagsakit kan sakuyang espiritu;
12 Ako daw an dagat o saro daw akong higanteng hayop sa dagat,
Para magbugtak ka pa nin mabantay sa sako?
13 Kan magsabi ako, ‘Rarangahon ako kan sakuyang higdaan;
Mababawasan kan sakuyang kama an pagsakit ko,’
14 Pinakubhanan mo ako paagi sa mga pangaturugan,
Asin tinakot mo ako paagi sa mga bisyon,
15 Kaya mas pipilion ko pa* an mapuot,
16 Nauuyam ako sa buhay ko;+ habo ko nang mabuhay pa.
Bayaan mo na ako, huli ta garo sana hinangos an mga aldaw ko.+
17 Siisay man an tawong mortal para pagmalasakitan mo siya
18 Taano ta pig-iinspeksiyon mo siya kada aga
Asin pigpupurbaran siya sa gabos na panahon?+
19 Puwede daw na dai mo nguna ako paghilingon
Asin bayaan mo ako maski dikit sanang panahon para mahalon ko lamang an sakong liwoy?+
20 Kun nagkasala ako, ano an magigibo kaiyan sa saimo, ika na Paraobserbar kan katawuhan?+
Taano ta ako an pigpupuntirya mo?
Nagin pagabat daw ako sa saimo?
21 Taano ta dai mo pinapatawad an sakong paglapas
Asin pigpapasensiyahan an sakong sala?
Huli ta sa dai na mahahaloy mahigda na ako sa alpog,+
Asin hahanapon mo ako, pero mayo na ako.”