Popogolon Kaini an Saindong Atension

Saro sa mga Saksi ni Jehova sa Portland, Oregon, an nagsurat dapit sa epekto kan Yearbook of Jehovah’s Witnesses sa sarong bisita.

“Sarong nagseserbisyong parairahay an nag-abot sa sakong harong,” an sabi nia, “tanganing irahayon an sakong makinang panlaba. Naglaog sia sa sarong kuwarto sa harong, asin sa laog nin haros 20 minutos, tunay na toninong sia. Katapustapusi, nagpasiring sia sa kusina asin naghapot, ‘Saro daw kamo sa mga Saksi ni Jehova?’ Kinua nia an Yearbook asin kinapotan ini. Sinabi nia, ‘Tunay na pambihira ini. Mawot kong tawan ka nin sarong dolyar. Tabi padarahan ako nin saro sa sakong direksion.’”

Nanompongan nin dakol na an 1990 Yearbook of Jehovah’s Witnesses kawiliwiling basahon. Igwa ini nin nakapagpapakosog sa pagtubod na mga bareta manongod sa modernong pagpoon asin pag-oswag kan gibohon na paghuhulit kan Kahadean sa Finland, Colombia, asin Suriname. Sarong kopya an ipadadara saindo sa kontribusyon na ₱14.00 sana.