Pahina Dos

Kan Hunyo 1988 an Iglesya Katolika Romana nagkaigwa kan enot na pagkasiriblag kaiyan, o pagkabaranga, sa laog nin labing sarong siglo. An tradisyonalistang arsobispo na si Lefebvre itiniwalag. Sarong taon pakalihis kan pagkabaranga, an rebeldeng prelado naghingako na may 10- sagkod 20-porsientong pag-oswag an kabilangan kan saiyang mga parasunod.

Mientras tanto, an ginatos na teologong Katoliko nagpirma sa sarong deklarasyon na nagpoprotesta sa ibinibilang nindang pag-abuso kan papa sa kapangyarihan sa pagnombra sa bagong mga obispo asin sa doktrinal na mga bagay, arog baga kan pagkontrol sa pangangaki.

Sa politika, an mga Katoliko baranga nin biyo, na an iba ultrakonserbatibo, an iba man naghuhulit nin sosyal na mga reporma asin pati armadong rebolusyon. An ordinaryong Katoliko tibaad nariribaraw sa mga pagkabarangang ini.