Likod na Cover

AN PAMILYA an kagurangguranging midbid na institusyon nin tawo, alagad ngonyan iyan may problema. An makatatakot na paglakop nin pag-abuso sa droga asin inmoralidad nin mga tin-edyer, an presenteng damat na diborsio asin kadahasan sa laog nin pamilya, an biglang pagdakol kan kabilangan nin mga pamilya na nagsosolo an magurang, asin iba pang seryosong mga problema pinangyayari an nagkapira na mag-isip-isip kun baga makaliligtas an buhay pampamilya.

Posible pa daw na an sarong pamilya magin marigon, nakapaooswag na kamugtakan para sa mga miembro kaiyan? Iyo, kun aram kan mga miembro nin pamilya an tunay na sekreto sa kaogmahan nin pamilya. An sekretong ini dai itinatago. Iyan ginamit asin probado na sa kadakol na siglo. Ano iyan? An librong ini, An Sekreto sa Kaogmahan nin Pamilya, nagtatao kan simbag. Itinatao man kaiyan an praktikal na mga halimbawa kun paano an “sekretong” ini makatatabang na maresolberan an nagkapirang masakit na situwasyon sa pamilya. Igwa daw ngonyan nin siisay man na dai nangangaipo nin siring na impormasyon?