KABTANG 6

Ano an Manunudan Niyato sa Dakulang Baha?

Pinara nin Diyos an mga maraot pero ilinigtas si Noe asin an pamilya niya. Genesis 7:11, 12, 23

An arka na naglalataw-lataw, mga maraot na nagkakaralamos, asin an mga rebeldeng anghel na binabayaan an saindang pisikal na hawak

Uminuran sa laog nin 40 aldaw asin 40 banggi, kaya nalantupan nin tubig an bilog na daga. Nagadan an gabos na maraot na tawo.

Binayaan kan rebeldeng mga anghel an hawak nindang arog sa tawo asin nagin mga demonyo.

Si Noe, an saiyang pamilya, saka an mga hayop na nagluwas sa arka asin sarong bulalangaw an naglataw sa langit

Nakaligtas an mga nasa laog kan arka. Dawa ngani pag-abot nin panahon nagadan si Noe asin an pamilya niya, bubuhayon liwat sinda nin Diyos na may paglaom na mabuhay nin daing katapusan.

Paparaon giraray nin Diyos an mga maraot asin ililigtas an mga marahay. Mateo 24:37-39

Si Satanas asin an saiyang mga demonyo na naggagamit nin manlain-lain na paagi tanganing dayaon an mga tawo

Padagos na dinadaya ni Satanas asin kan mga demonyo an mga tawo.

Ngunyan, arog kan panahon ni Noe, dakul an habo sa mamumuton na paggiya ni Jehova. Dai mahahaloy, paparaon ni Jehova an gabos na maraot.—2 Pedro 2:5, 6.

Mga Saksi ni Jehova na naggagamit nin Bibliya sa paghuhulit sa sarong lalaki; sarong lalaking nagbabasa nin Bibliya

May mga tawo na arog ni Noe. Nagdadangog sinda sa Diyos asin naggigibo kan sinasabi niya; sinda an mga Saksi ni Jehova.