Kun paano ka makikinabang na marhay sa pag-adal na ini nin Bibliya
Hilingon nguna an overview na ini, dangan i-play an VIDEO.
INOT NA PARTE
Maghanda sa kada leksiyon paagi sa pagbasa kan inot na parte. Idinuduon kan naka-bold na mga hapot (A) asin mga teksto (B) an importanteng mga punto. Mangnuhon na may mga teksto na may nakalaag na “basahon.”
TAHAW NA PARTE
Ipinapaliwanag kan primerong mga sinambit (C) sa irarom kan Aramon Pa an sunod na pag-uulayan. Ipinapahiling kan mga subtema (D) an panginot na mga punto. Kaiba kan nagtutukdo sa saimo, basahon an mga teksto, simbagon an mga hapot, asin hilingon an mga video.
Sa mga VIDEO box, may mga video saka audio recording na pag-uulayan sa saindong pag-adal. An ibang mga video hali sa tunay na mga pangyayari o eksperyensiya. An iba man mga dramatization sana, pero an mga eksena diyan nangyayari sa tunay na buhay.
Obserbaran na maray an artwork saka an deskripsiyon kaiyan (E), asin pag-isipan kun ano an isisimbag mo sa May mga Nagsasabi (F).
HURING PARTE
Natatapos an leksiyon sa Sumaryo saka Rebyu (G). Ibugtak an petsa kun kasuarin natapos an leksiyon. Mahihiling sa Gibuhon Ini (H) an mga puwede mong gibuhon para padagos na makanuod asin maisabuhay an mga nanudan mo. Sa Hilingon Man (I), igwa nin dagdag na mga impormasyon na puwede mong basahon o hilingon.
Kun paano hahanapon an mga teksto sa Bibliya
An Bibliya igwa nin 66 na saradit na libro. Binanga iyan sa duwang seksiyon: an Hebreo-Aramaikong Kasuratan (“Lumang Tipan”) asin an Kristiyanong Griegong Kasuratan (“Bagong Tipan”).
Pag may sinambit na teksto sa pag-adal na ini, inot na sinasambit an pangaran kan libro sa Bibliya (A), sunod an kapitulo (B), dangan an bersikulo o mga bersikulo (C).
Halimbawa, an Juan 17:3 nangangahulugan na libro nin Juan, kapitulo 17, bersikulo 3.