‘Tinawan Nindo Ako nin Dakulang Kapusoan’

Sa sarong surat na naghahagad nin suskripsion sa mga magasin na Watchtower asin Awake!, an sarong babae na taga-Quebec, Canada, nagsurat:

“Pirang taon na akong nagbabasa sa saindong babasahon asin iyan makangangalas nanggad. Makapira nindo akong rinanga o itinanos o nagtao nin kagayagayahan sa sakong puso. Tinawan man nindo ako nin dakulang kapusoan. . . . An apat kong aking babae asin ako nagsasabing ‘mabalos.’ ”

Puwede man na ihatod sa saindong harong an duwang babasahon na ini na basado sa Biblia paagi sa pagllenar asin pagpadara kan kupon sa ibaba.

Tabi ipadara an sarong taon na suskripsion sa The Watchtower asin Awake! Ilinakip ko an ₱100. (Para sa halaga sa ibang nasyon, tabi hapoton an lokal na opisina kan Watch Tower Society.)