Kaaraman na Nagtatao nin Panlaog na Katoninongan

An sarong hoben na babae na taga-Ohio, E.U.A., nagsurat: “Nagdakula akong Katoliko, nag-atender sa simbahan na Metodista kan nasa kolehiyo, nagkailusyon nin Judio, dangan naagom nin Luterano. Noarin man dai ako naogma sa arin man na relihiyon na ini na daing pondo sa ‘pagliliwat kadungan kan panahon.’ Pinonan kong basahon an librong Puwede Kamong Mabuhay Sagkod Lamang sa Paraiso Digdi sa Daga, sa primero may pag-alangan asin minahanga sa magagayon na ilustrasyon. Nawili ako asin odok na binasa an huring kabanga sa laog nin apat na oras.”

Ngonyan sinasabi kan babae na sia nagpapasalamat sa Dios “para sa bago kong kaaraman asin panlaog na katoninongan.” Sa paghona mi makikinabang man kamo sa nagpapakosog sa pagtubod na publikasyon na ini. Ipinaliliwanag kaiyan an haros gabos na kontrobersial na katokdoan sa Biblia, na tinitipon an ebidensia sa halipot pero malaman asin sa masasabotan na paagi kaya an simbag nagigin malinaw sa nagbabasa. An 256 na pahina kan libro pano nin labing 150 nakapagtotokdong ilustrasyon, na an kadaklan nasa magagayon na kolor. ₱17.50 sana.