Karangahan sa Panahon nin Pangangaipo

An minasunod na surat naako hale sa sarong taga-Baltimore, Maryland, E.U.A.: “Tabi ipadara an may mga ilustrasyon na 192-pahinas na librong Is This Life All There Is? Boot kong magkaigwa nin duwang kopya kaini, ta gusto kong an saro para sa sarong katood. Naheling ko an alok sa sadit na pulyetong What Hope for Dead Loved Ones? na naresibi ko sa sakong pinto. Bago pa sanang mawara sa sako an sarong namomotan na namotan kong gayo sa laog nin 35 taon, asin nanompongan kong interesanteng gayo asin nakararanga an mga sinasabi sa pulyeto kaya habo kong maraot iyan paagi sa pagtabas sa anunsio na bubugtakan kan ngaran asin adres. Salamat sa gabos nindong pagpapagal. Poon ngonyan pagmamaigotan kong basahon an gabos na babasahon na inimprenta nindo.”

Makaoogma, may paglaom sa gadan na mga namomotan. Resibihon an nakaoogmang ebidensia na yaon sa librong Is This Life All There Is? saka sa pulyetong What Hope for Dead Loved Ones? Llenaran sana asin ipadara an kaibang kupon.

Boot kong makaresibi kan matagas-an-patos, may 192-pahinas na librong Is This Life All There Is? saka kan pulyetong What Hope for Dead Loved Ones? (Sa luwas kan Pilipinas, sumurat sa lokal na opisina kan Watch Tower para sa impormasyon. Helingon an pahina 2.)