Ginamit sa Pagtotokdo sa Klase

An librong Life—How Did It Get Here? By Evolution or by Creation? ginamit sa sarong eskuwelahan sa California. An sarong 11 anyos nagpapaliwanag kun paano. “Binubuklat ko an librong Creation,” an surat nia, “asin narisa ko na may pirang kapitulo manongod sa uniberso asin mga bitoon. Kan panahon na idto tinotokdoan kami kan samong maestro sa astronomiya.

“Kaya isinurat ko sa sarong kapidasong papel an mga kapitulong tibaad magustohan niang basahon, asin itinao ko iyan saiya kaiba kan libro. Mayo sia nin sinabi sa laog nin duwang bulan. Dangan pinonan nia kaming tokdoan manongod sa big bang theory. Sinabi nia na may inadalan siang sarong libro. Nagduman sia sa saiyang lamesa asin ilinuwas an Life—How Did It Get Here? By Evolution or by Creation? Napangalas na gayo ako!

“Sinabi nia na idto an pinakamagayon na librong nabasa nia. Dangan binukasan nia an libro asin ipinaheling sa klase an mga retrato. Narisa ko na sinimbag nia asin lininyahan an gabos na hapot sa libro. Kan tinotokdoan nia kami, binubuka nia an libro, binabasa an parapo, dangan ipinaliliwanag iyan. Pag-abot kan panahon nin eksaminasyon, an mga hapot hale mismo sa libro. Kaya pasilon para sa sako na mag-adal para sa eksaminasyon. . . . A an marka ko.”

Sa paghona mi kamo man makikinabang sa librong ini. Kun boot nindong mag-ako nin kopya, tabi llenaran asin ipadara an kupon.

Boot kong makaresibi kan may matagas na patos na 256-pahinas na librong Life—How Did It Get Here? By Evolution or by Creation? (Sumurat sa adres na nasa ibaba para sa impormasyon. Sa luwas kan Pilipinas, sumurat sa lokal na sanga kan Watch Tower para sa impormasyon. Helingon an pahina 2.)