Binago kan Librong Ini an Saindang Buhay

Kaidtong dakol nang taon an nakaagi an sarong babae nakipagdiborsio sa saiyang agom. Kan huri an aki niang si Steve nagin saro sa mga Saksi ni Jehova. Hiningoa ni Steve na kaolayon an saiyang ina manongod sa saiyang pagtubod pero daing nangyari. Dinumanan man nia an saiyang ama, na madali nang magadan huli sa kanser.

Imbes na magparataram, iwinalat sana ni Steve an librong Puwede Kamong Mabuhay Sagkod Lamang sa Paraiso Digdi sa Daga sa kataed kan katre kan saiyang ama asin sinabi na makatatabang saiya an pagbasa kaiyan. Binasa kan saiyang ama an libro asin nagsadiring boot na umatender sa mga pagtiripon kan mga Saksi ni Jehova kan Enero 1988.

Mientras tanto, an ina ni Steve nagkaoportunidad sa mga pagtiripontipon kan pamilya na masdan an bagong personalidad na ipinaheheling kan dati niang agom. Hinangaan niang gayo ini kaya nag-oyon siang umatender sa sarong pagtiripon nin mga Saksi ni Jehova. Nagpoon siang umatender nin regular sa mga pagtiripon, asin dai nahaloy kataed na nia dian an dati niang agom. Kan huri nagpakasal liwat sinda.

An ama ni Steve nagadan kan Setyembre 1988 pero bago kaini nagpoon na siang makikabtang sa Kristianong ministeryo. An ina ni Steve, na inataman an ama ni Steve sa huring mga bulan kan paghelang kaini, nabautismohan kan Hunyo 1988 asin ngonyan mahigos nang Saksi.

An Puwede Kamong Mabuhay Sagkod Lamang sa Paraiso Digdi sa Daga libro na nagtatao nin paglaom paagi sa pagtotokdo sa mga solusyon kan Biblia sa mga problema sa buhay. Iyan nagin instrumento sa pagbago sa dakol na buhay. Para sa impormasyon kun paano magkaigwa nin sarong kopya, suratan asin iholog sa koreo an kairibang kupon.

Boot kong makaresibi kan may matagas na patos na 256-pahinas na librong Puwede Kamong Mabuhay Sagkod Lamang sa Paraiso Digdi sa Daga. (Sumurat sa adres na nasa ibaba para sa impormasyon. Sa luwas kan Pilipinas, sumurat sa lokal na sanga kan Watch Tower para sa impormasyon. Helingon an pahina 2.)