Minilyon an Maatender. Iyo Man Daw Kamo?

Maatender saen? Sa taonan na selebrasyon kan kagadanan ni Jesu-Cristo. Kan 1991 10,650,158 gabos an nag-atender sa bilog na kinaban. Taano ta may mga nag-aatender? Huli sa kahulogan para sa katawohan kan kagadanan ni Cristo. Iyan nangangahulogan nin harani nang pakaginhawa sa helang, kasakitan, asin kagadanan. Pati an gadan na mga namomotan bubuhayon liwat sa sarong daga na ginibo nang Paraiso. Paano makatatao nin siring na mga bendisyon an kagadanan ni Jesus? Imbitado kamong aramon iyan. Inaagda kamo nin mga Saksi ni Jehova na umiba sa sainda sa mahalagang okasyon na ini. Umatender sa Kingdom Hall na pinakaharani sa saindong harong. Ngonyan na taon an petsa Biyernes, Abril 17, pagkasolnop kan aldaw. Ihapot sa lokal na mga Saksi kun ano an eksaktong oras.