Ano an Ngapit Para sa Satong mga Hobenes?

AN HUMA nin nuklear​—magsalang gikan sa mga bomba nin mga terorista o sa mga aksidente sa mga planta nuklear—​ikinatatakot kan gabos. Tibaad nahahandal kamong marhay partikularmente manongod sa mga hobenes, kabale na an saindong sadiring mga aki o makoapo. Makamomondo nanggad na marealisar na an huma nin nuklear isinasapeligro an salud asin ngapit nin siisay man na aki.

Alagad magmapuso kamo. Igwa kamo nin dahelan na magin mapaglaom sa pinakamarahay manongod sa ngapit kan saindong mga hobenes. An basihan para sa paglaom nasesentro, bako sa mga paghihingoa nin tawo na protehiran an satong mga hobenes, kundi sa sarong ngapit na namumugtak sa mga kamot kan satong Kaglalang.

Kan an Aki nin Dios, si Jesus, nagtokdo sa Tahaw na Sirangan, sia nagpaheling nin pagmakolog sa mga hobenes. (Marcos 9:​36, 37, 42; 10:​13-16) Ipinaheheling kan Biblia na an kaparehong pagmakolog ipaheheling kun tapuson na nin Dios sa katapustapusi an huma nin nuklear asin establisaron an sarong panglobong paraiso. Puwede iyan makamtan kan satong mga hobenes, asin nindo man.

Kun gusto nindo nin dugang na impormasyon o gusto nindong songkoon kamo nin saro na makikipag-adal sa saindo sa Biblia nin daing bayad, tabi sumurat sa Watch Tower, P.O. Box 2044, 1099 Manila, o sa angay na direksion na nalilista sa pahina 2.